हेल्थ टिभी अनलाइन \डडेल्धुरा : सुदूरपश्चिममा थप १२९ जनामा कोरोना पुष्टि भएको छ। बिहीबार सेती प्रादेशिक अस्पताल, डडेल्धुरा अस्पताल र डोटी जिल्ला अस्पतालको प्रयोगशालामा १ हजार २ सय ११ जनाको कोरोना परीक्षण भएकोमा १ सय २९ जनामा संक्रमण देखिएको हो।

कैलालीका ५०, डोटीका ३४, अछामका ३०, कञ्चनपुरका १४ र डडेल्धुराका १ जनामा कोरोना पुष्टि भएको छ। सेती प्रादेशिक अस्पतालमा पछिल्लो २४ घण्टामा ६ सय ९४ जनाको कोरोना परीक्षण भएकोमा ६४ जनामा संक्रमण पुष्टि भएको छ।

डडेल्धुरा प्रयोगशालामा गरिएको परीक्षणमा ४७ जनामा कोरोनाको संक्रमण पुष्टि भएको छ। पछिल्लो २४ घण्टामा ३ सय ७० जनाको कोरोना परीक्षण भएकोमा ४७ जनामा संक्रमण पुष्टि भएको हो।

अछामको मेल्लेख गाउँपालिका र साँफेवगर नगरपालिकाका १५÷१५ जना गरी ३० जनामा संक्रमण पुष्टि भएको डडेल्धुरा अस्पतालका प्रयोगशाला इन्चार्ज इश्वरीप्रसाद भूषालले जानकारी दिए। उनले डोटीको आदर्श गाउँपालिकाका १६ जना र डडेल्धुराको गन्यापधुरा गाउँपालिकाका १ जनामा संक्रमण भएको जानकारी दिए।

डोटी जिल्ला अस्पतालको प्रयोगशालामा भएको परीक्षणमा १८ जनामा संक्रमण पुष्टि भएको छ। १ सय ४७ जनाको कोरोना परीक्षण भएकोमा १८ जनामा संक्रमण पुष्टि भएको अस्पतालले जनाएको छ।

उनले बताए। इन्चार्ज श्रेष्ठका अनुसार केआईसिंह गाउँपालिकाका १ महिलामा समेत संक्रमण पुष्टि भएको छ। योसंगै सुदूरपश्चिममा कोरोना संक्रमितको संख्या ५ हजार २ सय १५ पुगेको छ। संक्रमण पुष्टि भएका मध्ये ४ हजार ३ सय बढीले कोरोना जितिसकेका छन् भने १२ जनाको मृत्यु भएको छ।