४ भदौ २०७७ , बिहिबार

यी हुन् ५०० भन्दा बढी सक्रिय संक्रमित रहेका ५ जिल्ला

हेल्थ टिभी अनलाइन \काठमाडौं : नेपालमा पछिल्लो केही दिनयता कोरोना संक्रमितको संख्या ह्वात्तै बढेको छ।

लगातार कोरोना संक्रमितको संख्या बढ्दै गएपछि स्थानीय सरकारले आ आफनो क्षेत्रमा निषेधाज्ञा जारी समेत गरेका छन्। काठमाडौं उपत्यकामा पनि संक्रमितको संख्या दिनप्रतिदिन बढ्दै गएपछि काठमाडौं प्रशासनले बुधबार मध्यरातीदेखि एक साताका लागि निषेधाज्ञा जारी गरेको छ ।

स्वास्थ्य तथा जनसंख्या मन्त्रालयका अनुसार हाल कोरोनाको जोखिममा विशेष गरेर ५ वटा जिल्ला रहेका छन्। मोरङ, पर्सा, रौतहट, महोत्तरी र काठमाडौं जिल्ला उच्च जोखिममा रहेको र यी जिल्लामा ५ सय भन्दा बढी सक्रिय संक्रमित रहेको मन्त्रालयका प्रवक्ता डा जागेश्वर गौतमले जनाएका छन्।

यसैगरी हाल ४ वटा जिल्ला कोरोना मुक्त भएका छन्। मनाङ, मुस्ताङ, डोल्पा र हुम्लामा हाल कोरोनाको संक्रमित छैनन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।