२ भदौ २०७७ , मङ्लबार

काठमाडौं उपत्यकामा भोलिदेखि एक साता निषेधाज्ञा, घरबाहिर निस्कन नपाइने

हेल्थ टिभी अनलाइन \काठमाडौं : काठमाडौं उपत्यकाका तीन जिल्लामा बुधबारदेखि पुन: लकडाउन हुने भएको छ ।

काठमाडौं, भक्तपुर र ललितपुर जिल्लाका प्रमुख जिल्ला अधिकारीको संयुक्त बैठकले भदौ ३ गते देखि १० गते सम्मका लागि साता निषेधाज्ञा जारी गर्ने निर्णय गरेको हो ।

काठमाडौं उपत्यकामा कोरोना संक्रमितको संख्या बढ्दै गएपछि सरकारले एक साता पूर्ण लकडाउन गर्ने निर्णय गरेको हो । लकडाउनका समयमा अत्यावश्यक सेवा बाहेकका सवारीसाधन चलाउन पाइने छैन् भने अत्यावश्यक बाहेकका अन्य व्यापार व्यवसाय पनि बन्‍द हुनेछन्।

आज मात्रै काठमाडौं उपत्यकामा २०५ जनामा कोरोना पुष्टि भएको थियो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।