३० साउन २०७७ , शुक्रबार

नेपालमा शुक्रबार ५९४ संक्रमित थपिए, थप ४ जनाको मृत्यु

काठमाडौं उपत्यकामा थप ११९ जनामा संक्रमण

हेल्थ टिभी अनलाइन \काठमाडौं : नेपालमा थप ५९४ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार आज विभिन्न जिल्लामा गरी थप ५९४ जना संक्रमित थपिएका छन्। योसँगै नेपालमा कोरोना संक्रमितको संख्या २५ हजार ५५१ पुगेको छ ।

हालसम्म कोरोना जितेर डिस्चार्ज हुनेको संख्या १७ हजार ७७ रहेको छ । काठमाडौं उपत्यकामा शुक्रबार ११९ जनामा कोरोना संक्रमण पुष्टि भएको मन्त्रालयका प्रवक्ता डा जागेश्वर गौतमले जनाएका छन्।

मन्त्रालयका अनुसार हालसम्म कोरोनाबाट ज्यान गुमाउनेको संख्या ९९ पुगेको छ । आज मात्रै कोरोनाबाट ४ जनाको मृत्यु भएको पुष्टि भएको हो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।