२८ साउन २०७७ , बुधबार

स्क्रब टाइफसबाट बैतडीकी एक किशोरीको मुत्यु

हेल्थ टिभी अनलाइन\ डडेल्धुरा : स्क्रब टाइफस रोगबाट बैतडीकी एक किशोरीको मृत्यु भएको छ।

बैतडी जिल्लाको दोगडाकेदार गाउँपालिका –३ श्रीकोटकी १४ वर्षीया पुजा जोशीको बुधबार उपचारका लागि कोहलपुर मेडिकल कलेज लग्दै गर्दा बाटोमै मृत्यु भएको हो।

स्क्रब टाइफसबाट संक्रमित बालिकालाई बैतडीबाट डडेल्धुरा अस्पताल हुँदै मंगलबार धनगढीको सारथी अस्पताल पुर्याइएको थियो। त्यहाँबाट पनि रेफर भएपछि बुधबार कोहलपुर लैजाँदै गर्दा चिसापानीमा बालिकाको मृत्यु भएको उनका आफन्त शंकरदत्त भट्टले बताएका छन्। मृतक पुजाका बुवा रोजगारीको सिलसिलामा विदेश रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।