हेल्थ टिभी अनालाइन \काठमाडौं : काठमाडौं उपत्यकामा कोरोना संक्रमणको जोखिम झन झन बढिरहेको छ । मंगलबार मात्र काडमाडौं उपत्यकामा थप १३४ जनामा कोरोना संक्रमण पुष्टि भएको छ ।

उपत्यकाका विभिन्न प्रयोगशालामा गरिएको परीक्षणमा थप १३४ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । काठमाडौंका ११०, ललितपुरका १६ र भक्तपुरका ८ जनामा कोरोना पुष्टि भएको हो ।

गत २४ घण्टामा १० हजार ४६२ जनाको नमुना परीक्षण गर्दा काठमाडौं उपत्यकामा १३४ सहित देशभर ६३८ जना संक्रमित थपिएका छन्। १६ हजार ६६४ जना कोरोना जितेर डिस्चार्ज भएका छन्।

यसैगरी हालसम्म ८३ जनाको कोरोनाबाट मृत्यु भएको मन्त्रालयले जनाएको छ ।