हेल्थ टिभी अनलाइन \काठमाडौं : बाँकेको भेरी अस्पतालमा गरिएको परीक्षणमा नेपालगञ्ज मेडिकल कलेजका ५ जना स्वास्थ्यकर्मीसहित थप २६ जनामा कोरोना संक्रमण पुष्टि भएको छ ।

अस्पतालका अनुसार गत २४ घण्टामा ४८० नमुना परीक्षण गर्दा ५९ जनामा कोरोना संक्रमण पुष्टि भएको हो । संक्रमण पुष्टि हुनेहरुमा बाँकेका २६ जना, नेपाली सेना फिल्ड अफिस दाङका २९ जना यसैगरी दाङकै ३ जना र अछामका १ जना रहेका छन्।

बाँकेमा कोरोना संक्रमितको संख्या समूहमा देखिन थालेपछि बाँके प्रशासनले निशेधाज्ञा जारी गरेको छ भने केही पकेट एरिया सिल समेत गरेको छ ।