हेल्थ टिभी अनलाइन\ काठमाडौं : काठमाडौं उपत्यकामा ८७ जनासहित ३६० जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार आज काठमाडौंसहित ३६० जनामा कोरोना संक्रमण पुष्टि भएको हो । योसँगै नेपालमा कोरोना संक्रमितको संख्या २१ हजार ७५० पुगेको छ । यसैगरी बिहीबार २३३ जना कोरोना संक्रमित डिस्चार्ज भएका छन्।

देशभर सक्रिय संक्रमितको संख्या ६ हजार २ सय ९६ रहेको छ ।

पछिल्लो समय काठमाडौंमा संक्रमितको संख्या बढ्दै गएकोमा आज पनि काठमाडौं जिल्लामा ७६ जना, ललिपुरमा १० जना र भक्तपुरमा १ जनामा कोरोना संक्रमण पुष्टि भएको हो । हालसम्म नेपालमा कोरोनाबाट मृत्यु हुनेको संख्या ६५ पुगेको छ ।