हेल्थ टिभी अनलाइन\ काठमाडौं : काठमाडौं उपत्यकामा मंगलबार थप ६२ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार आज उपत्यकामा रहेका विभिन्न प्रयोगशालामा गरिएको परीक्षणमा थप ६२ जनामा कोरोना पुष्टि भएको हो ।

राष्ट्रिय जनस्वास्थ्य प्रयोगशाला टेकुमा गरिएको परीक्षणमा काठमाडौंका ३८ जना र भक्तपुरका ११ जनामा कोरोना पुष्टि भएको हो । यसैगरी त्रिवि शिक्षण अस्पताल नेपाल प्रहरी अस्पताल स्टार अस्पताल लगायतका प्रयोगशालामा गरिएको परीक्षणमा उपत्यकामा ६२ जनामा कोरोना पुष्टि भएको छ ।

यसरी पुष्टि हुनेहरुमा काठमाडौंका ४८ जना,  भक्तपुरका १३ जना र ललितपुरका १ जना रहेका छन्। योसँगै आज नेपालभर २५९ जनामा कोरोना संक्रमण पुष्टि भएको छ भने ६५ जना कोरोना जितेर डिस्चार्ज भएका छन्।