१८ साउन २०७७ , आइतवार

६० वर्ष माथिका वृद्धवृद्धा र १२ वर्ष मूनिका बालबालिकालाई घर बाहिर ननिस्कन स्वास्थ्य मन्त्रालयको आग्रह

हेल्थ टिभी अनलाइन \काठमाडाैं : स्वास्थ्य तथा जनसंख्या मन्त्रालयले कोरोनाको जोखिमबाट बच्न वृद्धवृद्धा र बालबालिकालाई घर बाहिर ननिस्कन आग्रह गरेको छ ।

मन्त्रालयका प्रवक्ता डा जागेश्वर गौतमले आइतबारको नियमित मिडिया ब्रिफिङमा ६० वर्ष माथिका वृद्धवृद्धा र १२ वर्ष मूनिका बालबालिकालाई घर बाहिर ननिस्कन आग्रह गरेका हुन्।

लकडाउन खुलेसँगै पछिल्लो समय कोरोना संक्रमितको संख्या बढ्दै गएको भन्दै उनले बढी जोखिममा पर्ने यो समूहलाई घर बाहिर ननिस्कन आग्रह गरे । कोरोनाको बढी जोखिममा वृद्धवृद्धा, दीर्घ रोगी र बालबालिका समेत पर्ने हुँदा यस्तो अनुरोध गरिएको डा गौतमले बताएका छन्।

आज मात्रै नेपालमा थप २४६ जनामा कोरोना संक्रमण पुष्टि भएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।