हेल्थ टिभी अनलाइन \काठमाडौं : नेपालमा कोरोना संक्रमितको संख्या २० हजार नाघेको छ । शनिबार ३१५ जना नयाँ संक्रमित थपिएसँगै नेपालमा संक्रमितको संख्या २० हजार नाघेको हो । शनिबार थप ३१५ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ३१५ जनामा कोरोना भाइरसको संक्रमण पुष्टि भएको हो । देशभरका प्रयोगशालामा ६ हजार ९९३ नमुना परीक्षण गर्दा ३१५ जनामा संक्रमण देखिएको मन्त्रालयका प्रवक्ता डा जागेश्वर गौतमले जनाएका हुन्। योसँगै नेपालमा कोरोना संक्रमितको संख्या २० हजार ८६ पुगेको छ ।

शनिबार देशका विभिन्न आइसोलेसन सेन्टरबाट ९३ जना संक्रमित निका भएर डिस्चार्ज भएका छन्। योसँगै हालसम्म १४ हजार ४९२ जनाले कोरोना जितेका छन्। नेपालमा कोरोना संक्रमणबाट हालसम्म ५६ जनाले ज्यान गुमाएका छन्।