Health TV Online
Health TV Online

काठमाडौं उपत्यकामा थप ३८ जनामा कोरोना संक्रमण पुष्टि

काठमाडौं उपत्यकामा थप ३८ जनामा कोरोना संक्रमण पुष्टि

हेल्थ टिभी अनलाइन \काठमाडौं : काठमाडौं उपत्यकामा थप ३८ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयको नियमित मिडिया ब्रिफिङमा शुक्रबार मन्त्रालयका प्रवक्ता डा जागेश्वर गौतमले आज काठमाडौं उपत्यकामा थप ३८ जनामा कोरोना संक्रमण देखिएको बताएका हुन्।

उनका अनुसार राजधानीका विभिन्न अस्पतालमा गरिएको परीक्षणमा काठमाडौंका ३२ जना, ललितपुरका ५ जना र भक्तपुरका १ जनामा कोरोना संक्रमण पुष्टि भएको हो ।
पछिल्लो समय काठमाडौं उपत्यकामा दैनिक रुपमा संक्रमित फेला परिरहेका छन्।

मन्त्रालयका प्रवक्ता गौतमले काठमाडौंमा जनस्वास्थ्यका सामान्य मापदण्ड पनि पालना नगरिएको पाइएको कारण संक्रमितको संख्या बढ्न पुगेको भन्दै यस्तो नगर्न आग्रह गरे ।

आज काठमाडौंसहित २२४ जनामा कोरोना संक्रमण पुष्टि भएको छ । योसँगै नेपालमा कोरोना संक्रमितको संख्या १९ हजार ७७१ पुगेको छ ।

  • हेल्थ टिभी अनलाइन

    हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।

थप समाचार