१६ साउन २०७७ , शुक्रबार

पाटन अस्पतालमा उपचाररत कोरोना संक्रमितको मृत्यु

हेल्थ टिभी अनलाइन \काठमाडौं : ललितपुरस्थित पाटन अस्पतालमा एक कोरोना संक्रमितको मृत्यु भएको छ । अस्पतालमा उपचाररत ६५ वर्षीया एक संक्रमित महिलाको आज बिहान मृत्यु भएको निर्देशक डा विष्णु शर्माले बताएका छन्।

उनले हेल्थ टिभी अनलाइनसँग कुरा गर्दै भने, ‘वीरगञ्ज घर भई थसीखेल बस्दै आएकी ६५ वर्षीया महिलाका उपचारककै क्रममा मृत्यु भएको हो । डा शर्माले उनी प्राइभेट अस्पतालमा भर्ना भई उपचार गराइरहेको अवस्थामा कोरोना परीक्षण गर्दा कोरोना पुष्टि भएपछि साउन ६ गते पाटन अस्पताल आएको बताए ।

निमोनियाको समस्या जटिल भएको अवस्थामा अस्पताल आएकाले कोभिड आइसीयूमा राखेर उपचार गरिएकोमा आज बिहान उनको मृत्यु भएको पनि डा शर्माले जानकारी दिए । योसँगै नेपालमा कोरोनाबाट मृत्यु हुनेको संख्या ५६ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।