हेल्थ टिभी अनलाइन \काठमाडौं : कोरोना संक्रमणबाट नेपालमा थप दुई जनाको मृत्यु भएको छ ।

बुधबार वीरगञ्जस्थित नारायणी कोभिड अस्थायी अस्पताल र नेशनल मेडिकल कलेज शिक्षण अस्पतालमा उपचाररत दुई जना पुरुषको मृत्यु भएको हो । योसँगै नेपालमा कोरोनाबाट मृत्यु हुनेको संख्या ५१ पुगेको छ ।

नारायणी अस्पतालका मेडिकल सुपरिटेन्डेन्ट डा मदनकुमार उपाध्यायले  कोभिड अस्पताल र नेशनल अस्पतालमा उपचाररत दुई जनाको कोरोनाबाट मृत्यु भएको बताएका छन्। उनले भने, उहाँहरु फरक फरक लक्षण लिएर उपचारका लागि अस्पताल आउनुभएको र मृत्युपछि कोरोना पुष्टि भएको हो ।

उनीहरुको नारायणी अस्पतालको प्रयोगशालामा गरिएको परीक्षणमा कोरोना पोजेटिभ देखिएको हो। दुबै जना दीर्घरोगी भएको बताइएको छ ।