नेपालमा ३ लाख ५२ हजार ३०७ जनाको परीक्षण गर्दा १९ हजारमा संक्रमण
हेल्थ टिभी अनलाइन \काठमाडौं : सरकारले नेपालमा हालसम्म कोरोनाको आंशकामा ३ लाख बढीको पीसीआर परीक्षण गरेको जनाएको छ ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले मंगलबारसम्म नेपालमा कोरोनाको आंशकामा देशभरमा २८ वटा प्रयोगशालाबाट ३ लाख ५२ हजार ३०७ जनाको पीसीआर परीक्षण गरिएको जनाएका छन्। उनका अनुसार कोरोनाको आशंकामा क्वारेन्टाइनमा बसेकाबाहेक पनि परीक्षण गर्दा हालसम्म यसको संख्या साढे तीन लाख बढी भएको हो । हालसम्म नेपालमा यति परीक्षण हुँदा १९ हजार ६३ जनामा कोरोना संक्रमण पुष्टि भएको छ ।
नेपालमा माघकाे पहिलाे साता पहिलोपटक चीनबाट आएका एक युवकमा कोरोना देखिएपछि सो एकिन गर्नका लागि उनको स्वाब हङकङ पठाइएको थियो ।
तर हाल देशभरमा २८ स्थानबाट नियमित कोरोना परीक्षण भइरहेको डा गौतममले जानकारी दिए । यसैगरी नेपालमा दैनिक रुपमा सरदर ३ हजारदेखि ५ हजारको विचमा पीसीआर परीक्षण हँदै आएको पनि उनले जानकारी दिए । मन्त्रालयका अनुसार अहिले १५ हजार ३३१ जना क्वारेन्टाइनमा रहेका छन् भने हालसम्म कोरोना जितेर डिस्चार्ज हुनेको संख्या १३ हजार ८७५ रहेको छ । मंगलबार मात्रै ५ हजार ३२ जनाकाे परीक्षण गरिएकाे थियाे ।
यसैगरी अहिले रौतहट र कैलालीमा मा ५ सय बढी सक्रिय संक्रमित रहेका छन्। उता ५ वटा जिल्ला कोरोना संक्रमण मुक्त भएको मन्त्रालयले जनाएको छ । भोजपुर, संखुवासभा, मनाङ, मुस्ताङ र रसुवामा अहिले एक जना पनि संक्रमित छैनन्। हालसम्म नेपालमा ४९ जनाले काेराेनाबाट ज्यान गुमाएका छन्।
खराब कोलेस्टेरोल घटाउन के खाने ?
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त