काठमाडौं भित्रिने तीन नाकाबाट ४८ सय १३ जनाकाे स्वाब संकलन
हेल्थ टिभी अनलाइन\ काठमाडाैं : स्वास्थ्य तथा जनसंख्या मन्त्रालयले काठमाडौं भित्रिने तीन नाकाबाट ४८ सय बढीकाे स्वाब संकलन गरेको बताएको छ ।
मन्त्रालयले काठमाडौंमा संक्रमितको संख्या बढ्दै गएपछि समुदायमा कोरोना भाइरस संक्रमण फैलिएको छ कि छैन् भन्ने पत्ता लगाउन काठमाडौं छिर्ने मुख्य तीन नाकामा स्वाब संकलन गर्न शुरू गरेकाे जनाएकाे हाे ।
मंगलबार दिउँसोसम्म ४ हजार ८ सय १३ जनाको नुमना संकलन भएको मन्त्रालयका प्रवक्ता डा जागेश्वर गौतमले बताए। उनका अनुसार फर्पिङ नाकाबाट ९ सय ५५, थानकोट नाकाबाट २ हजार ९ सय १४ र साँगा नाकाबाट ९ सय ४४ जनाको कोरोना परीक्षणका लागि स्वाब नमुना संकलन भएको छ। यसको रिपोर्ट आउन बाँकी रहेको पनि उनले जानकारी दिए ।
यसैगरी मंगलबार मात्र नेपालमा ३११ जनामा काेराेना देखिएको छ। याेसँगै नेपालमा संक्रमितकाे संख्या १९ हजार ६३ पुगेकाे छ भने काेराेनाबाट हालसम्म ४९ जनाले ज्यान गुमाएका छन्।
बालबालिकाको आँखाको नानीमा सेतो टिका छ ? क्यान्सर पनि हुनसक्छ !
नेपाल क्यान्सर अस्पतालको वार्षिकोत्सवमा रक्तदान, वाकाथन तथा नि:शुल्क ओपीडी सेवा
खराब कोलेस्टेरोल घटाउन के खाने ?
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला