शेर भण्डारी \डडेल्धुरा : नेपालमा थप एक जनाको कोरोनाबाट मृत्यु भएको पुष्टि भएको छ ।

बझाङमा १ कोरोना संक्रमितको मृत्यु भएको हाे । मृत्यु हुनेमा बुङ्गल नगरपालिका ३ का ६५ वर्षका एक वृद्ध रहेका छन्। याेसँगै नेपालमा काेराेनाबाट मृत्यु हुनेकाे संख्या ४९ पुगेकाे छ ।

मृतकलाई १४ दिन क्वारेन्टाइन राखेर कोरोनाको कुनै लक्षण नदेखिएको भन्दै साउन ६ गते घर पठाइएको स्वास्थ्य कार्यालय बझाङले जनाएकाे छ ।

तर घरगएपछि उनमा साउन ९ गतेदेखि स्वास्थ्यमा समस्या आएकाे र एक्कासी  मृत्यु भएको स्वास्थ्य कार्यालय बझाङद्धारा जारी विज्ञप्तिमा उल्लेख गरिएको छ। काेराेना परीक्षणका लागि स्वाब संकलन  गर्दा उनमा सोमबार कोरोना पोजेटिभ रिपोर्ट आएको पनि विज्ञप्तिमा उल्लेख छ ।