१२ साउन २०७७ , सोमवार

मणिपाल अस्पतालका डाक्टरमा कोरोना संक्रमण पुष्टि

हेल्थ टिभी अनलाइन \पोखरा : पोखराको मणिपाल शिक्षण अस्पतालका एक चिकित्सकमा कोरोना संक्रमण पुष्टि भएको छ ।

अस्पताको मेडिकल वार्डमा कार्यरत एमडी पहिलो वर्षमा पढ्दै गरेका डाक्टरमा कोरोना पुष्टि भएको अस्पताल स्रोतले जनाएको छ ।

उनमा हल्का ज्वरो आएपछि आइतबार स्वाब संकलन गरी पोखरा स्वास्थ्य विज्ञान प्रतिष्ठानमा परीक्षणका लागि पठाइएको थियो । उनको आज रिपोर्ट पोजेटिभ आएको हो ।

गण्डकी प्रदेशको स्वास्थ्य निर्देशनालयले आज अपरान्ह १२ बजे विज्ञप्ति जारी गर्दै कास्कीको दुई जनामा कोरोना पुष्टि भएको जनाएको छ । ती मध्ये एक जना डाक्टर रहेको अस्पताल स्रोतको भनाई छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।