८ साउन २०७७ , बिहिबार

काठमाडौं उपत्यकामा थपिए ९ जना संक्रमित

हेल्थ टिभी अनलाइन \काठमाडौं : काठमाडौं उपत्यकामा बिहिबार थप ९ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार आज काठमाडौं भक्तपुर र ललितपुरका गरी ९ जनामा कोरोना संक्रमण पुष्टि भएको हो । उनका अनुसार आज संक्रमण पुष्टि हुनेहरुमा राष्ट्रिय जनस्वास्थ्य प्रयोगशालामा गरिएको परीक्षणमा भक्तपुरका २ जना, पाटन अस्पतालमा काठमाडौंका २ जना र शुक्रराज ट्रपिकल अस्पतालमा गरिएको परीक्षणमा ललितपुरका १ जना र काठमाडौंका ३ जना रहेका छन्।

यसैगरी सानेपास्थित स्टार अस्पतालमा गरिएको परीक्षणमा ललितपुरका एक जना समेत कोरोना पुष्टि भएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।