सरकारले कोरोना महामारीको रोकथाम तथा नियन्त्रणका लागि भन्दै गत चैत ११ देखि देशभर लकडाउन जारी गरेको थियो । झण्डै ४ महिनासम्म लागेको लकडाउनले कोरोनाको रोकथाम र नियन्त्रणका लागि ठुलो सहयोग गरेको भए पनि धेरै समयसम्म लकडाउन जारी गर्न नहुने निष्कर्षमा पुगी सरकारले आजैबाट लकडाउन खोलेको छ ।

तर हामी सबैले ध्यान दिनुपर्ने कुरा केहो भने लकडाउन खोल्नुको मतलब कोरोनाको जोखि घट्यो भन्ने हैन्। यसरी हामीले बुझ्यौं भने भविष्यमा ठुलो मूल्य चुकाउनुपर्ने हुनसक्छ । त्यसैले सरकारले धेरै लामो समसम्म लकडाउन गर्दा सबै क्षेत्र हेर्नुपर्ने हुन्छ । सोही आधारमा आफूले सतर्कता अपनाउँदै व्यापार व्यवसाय पनि गरौं भन्ने हो ।

मलाई के लाग्छ भने अहिलेसम्म सरकारले काेराेनाबाट जाेगाउन हामीलाई  लकडाउन गरेर घरभित्र राख्यो । अब भने बल हाम्रो कोर्टमा आएको छ । हामी आफै बढी जिम्मेवार भएर यसबाट बच्ने उपाय अपनाउनुपर्छ । आफू जिम्मेवार हुनु भनेकै परिवार र समूदायलाई काेराेना संक्रमण हुन नदिनु हो ।

आज लकडाउन खुलेसँगै धेरै जना खुशी भएर अब त स्वतन्त्र भइयो भने जस्तो गरिरहेका छन्। त्यस्तो होइन लकडाउन खुलेपनि कोरोनाको जोखिम अझै बढेको छ । सबैतिर खुल्ला भएपछि सम्पर्क पनि धेरै जनासँग हुन्छ । त्यसैले हामीले हेक्का राख्नुपर्ने कुरा स्वास्थ्य मत्रालयले जारी गरेको एक अर्कासँग दुई मिटरको दूरी कायम गर्ने, मास्कको प्रयोग गर्ने  सकेसम्म भिडभाडमा नजाने र साबुनपानीले  नियमित हात धोइरहने चाहिं गर्नैपर्छ । यो बानीले धेरै हदसम्म हामीलाई कोरोनाबाट जोगाउन मद्दत गर्छ ।

अर्को कुरा छिमेकी मुलुक भारतमा कोरोना संक्रमितको संख्या बढिरहेको छ । यसले पनि हामी बढी जोखिममा छौं । जबसम्म भारतमा संक्रमितको संख्या कम हुँदैन तबसम्म हामी पनि सुरक्षित हुँदैनौं । खुला सिमानाका कारण धेरै मानिसहरु आवतजावत भइरहन्छ । जसले गर्दा कोरोना संक्रमणको जोखिम रहिरन्छ ।

नेपालमा धेरै जनाले कोरोनालाई सामान्य रुपमा लिए जस्तो पनि लाग्छ । कतिपयले लकडाउनकै समयमा पनि यसबाट जोगिनपर्ने मापदण्ड खासै पालना गरेजस्तो लाग्दैन्। लकडाउन खुलेसँगरै अब हाम्रो सम्पर्क धेरै जनासँग हुन्छ । यो बेला अझ बढी सतर्क हुन जरुरी छ । नेपालमा अहिलेसम्म समूदाय स्तरमा कोरोना नगइसकेको अवस्थामा छौं तर लापरवाही गर्दा यो  एकैपटक समूदायमा जानसक्छ भन्ने कुरा बुझ्न जरुरी छ । हामीकहाँ धेरै संक्रमितमा कुनै लक्षण नै देखिएको छैन्। यस्ता लक्षण नदेखिएका संक्रमितले एकैपटक रोग सार्ने सम्भावना बढी हुन्छ ।

मलाई के लाग्छ भने अहिलेसम्म सरकारले काेराेनाबाट जाेगाउन हामीलाई  लकडाउन गरेर घरभित्र राख्यो । अब भने बल हाम्रो कोर्टमा आएको छ । हामी आफै बढी जिम्मेवार भएर यसबाट बच्ने उपाय अपनाउनुपर्छ । आफू जिम्मेवार हुनु भनेकै परिवार र समूदायलाई काेराेना संक्रमण हुन नदिनु हो ।  सरकारले लकडाउन खोले पनि भिडभाड गर्न नपाउने, स्कूल कलेज तत्काललाई नखोल्ने केही प्रतिवन्ध जारी राखेको छ । यसलाइ मनन गराैं र काेराेनाबाच बचाैं र बचाऔं ।

डा शेर बहादुर पुनसँग कुराकानीमा आधारित :