विश्वमा कोरोना : मृत्यु हुनेको संख्या ६ लाख नाघ्यो
हेल्थ टिभी अनलाइन \काठमाडौं : विश्वभर कोरोनाबाट मृत्यु हुनेको संख्या ६ लाख नाघेको छ । वर्ल्डोमीटरका अनुसार पछिल्लो २४ घण्टामा २ लाख २४ हजार भन्दा बढी संक्रमित थपिएका छन् भने ५ हजार ८ जनाको कोरोना संक्रमणबाट मृत्यु भएको छ ।
योसँगै विश्वमा कोरोना संक्रमितको संख्या १ करोड ४४ लाख २४ हजार ५०७ पुगेको छ भने मृत्यु हुनेको संख्या ६ लाख ४ हजार ८ सय ८० पुगेको छ । यसैगरी ८६ लाख भन्दा बढी संक्रमितले कोरोना जितेर घर फर्केका छन्। उता ५२ लाख भन्दा बढी कोरोना संक्रमितको विश्वका विभिन्न देशहरुमा उपचार भइरहेको छ ।
आइतबार बिहानसम्मको तथ्यांक अनुसार अमेरिकामा मात्रै ३८ लाख ३३ हजार मानिसमा कोरोना संक्रमण पुष्टि भइसकेको छ । यसैगरी १ लाख ४२ हजार भन्दा बढी संक्रमितको मृत्यु भएको छ । अमेरिकापछि ब्राजिलमा धेरै संक्रमित फेला परेका छन्। ब्राजिलमा हाल संक्रमितको संख्या २० लाख ७४ हजार बढी पुगेको छ भने ७८ हजार बढीको कोरोनाबाट ज्यान गएको छ । भारत कोरोना संक्रमितको संख्याको हिसाबमा तेस्रो स्थानमा रहेको छ । भारतमा हालसम्म १० लाख ७७ हजार मानिसमा संक्रमण पुष्टि भएको छ । यद्यपी मृत्युदर भने त्यहाँ कम रहेको छ ।
नेपालमा हालसम्म १७ हजार ५०२ जनामा कोरोना संक्रमण पुष्टि भएको छ भने ४० जनाको ज्यान गएको छ ।
बालबालिकाको आँखाको नानीमा सेतो टिका छ ? क्यान्सर पनि हुनसक्छ !
नेपाल क्यान्सर अस्पतालको वार्षिकोत्सवमा रक्तदान, वाकाथन तथा नि:शुल्क ओपीडी सेवा
खराब कोलेस्टेरोल घटाउन के खाने ?
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला