हेल्थ टिभी अनलाइन \काठमाडौं : बाँकेको भेरी अस्पतालमा गरिएको परीक्षणमा आज २० जनामा कोरोना संक्रमण पुष्टि भएको छ ।

अस्पतालले विज्ञप्ति जारी गर्दै तीन जिल्लामा गरी थप २० जनामा कोरोना संक्रमण देखिएको जनाएको हो ।  आज संक्रमण पुष्टि हुनेहरुमा बाँके खजुरा -३ का ४ जना पुरुष र एक महिला रहेका छन्। यसैगरी गडवा दाङका ५ जना  र ठाकुरबाबा बर्दियाका १० जना रहेका छन्।

अस्पतालले गत २४ घण्टामा कोरोनाको आशंकामा ३ सय जनाको पीसीआर परीक्षण गर्दा जम्मा २० जनामा कोरोना संक्रमण पुष्टि भएको जनाएको छ ।

बाँकेमा केही दिन यता कोरोना संक्रमण दर घटेको भए पनि भारतबाट मानिसहरु आउने क्रम जारी नै रहेकाले संक्रमितहरु थोरै संख्यामा भए पनि देखि नै रहेका छन्।