३१ असार २०७७ , बुधबार

नेपालमा थप एक जनाको कोरोना संक्रमणबाट मृत्यु

हेल्थ टिभी अनलाइन \काठमाडौं : नेपालमा थप एक जनाको कोरोना संक्रमणबाट मृत्यु भएको छ ।

स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार आज रौतहट परवहाका ३६ वर्षीय पुरुषको उपचारकै क्रममा मृतयु भएको हो । केही दिन अघि भारतमा कोरोनाबाट मृत्यु भएका आफन्तको मृत्यु संस्कारका लागि बेंग्लोर गएर आएका उनको यहाँ आएपछि कोरोना परीक्षण गर्दा रिपोर्ट पोजेटिभ आएको हो ।

बुधबार बिहानदेखि श्वासप्रश्वासमा समस्या आएपछि वीरगंजको नारायणी अस्पतालमा राखेर उपचार गरिएकोमा आज २: ३० बजे उनकाे मृत्यु भएको मन्त्रालयले जनाएको छ । योसँगै नेपालमा कोरोनाबाट मृत्यु हुनेको संख्या ३९ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।