हेल्थ टिभी अनलाइन\ काठमाडौं : नेपालमा थप ११६ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार आज काठमाडौंका २ जना सहित ११६ जनामा कोरोना संक्रमण पुष्टि भएको हो । गत २४ घण्टामा देशभरका २५ वटा प्रयोगशालाबाट ४ हजार ३ सय ६१ जनाको पीसीआर विधिमार्फत कोरोना परीक्षण गरिएको मन्त्रालयले जनाएको छ ।

आज थपिएका संक्रमितसँगै नेपालमा कुल संक्रमितको संख्या १७ हजार ६१ पुगेको छ । गत २४ घण्टामा ३४ जना अस्पतालबाट डिस्चार्ज भएका छन्। यसरी कोरोना जितेर डिस्चार्ज हुनेको संख्या १० हजार ३२८ पुगेको मन्त्रालयले जनाएको छ ।

हालसम्म कोरोना आशंकामा देशभरका विभिन्न क्वारेन्टाइनमा रहेकाहरुको संख्या २४ हजार ७१६ रहेको छ ।