Health TV Online
Health TV Online

कोरोनाको नयाँ रेकर्ड : विश्वमा एकै दिन २ लाख २६ हजार भन्दा बढी संक्रमित थपिए

कोरोनाको नयाँ रेकर्ड : विश्वमा एकै दिन २ लाख २६ हजार भन्दा बढी संक्रमित थपिए

हेल्थ टिभी अनलाइन \काठमाडौं :  विश्वमा कोरोना संक्रमण बढ्ने क्रम झनझन बढिरहेको छ । गत २४ घण्टामा मात्रै विश्वमा २ लाख २६ हजार भन्दा बढी संक्रमित थपिएका छन्। वर्ल्डोमीटरका अनुसार गत २४ घण्टामा अहिलेसम्मकै उच्च २ लाख २६ हजार १०२ जनामा कोरोना संक्रमण पुष्टि भएको छ । यसैगरी ५ हजार ३८८ जनाको मृत्यु भएको छ ।

हालसम्म विश्वमा १ करोड २६ लाख १५ हजार भन्दा बढीमा संक्रमण पुष्टि भएको छ भने ५ लाख ६२ हजार भन्दा बढीको कोरोनाबाट ज्यान गएको छ । यसैगरी हालसम्म ७३ लाख भन्दा बढी संक्रमित उपचारपछि निको भएर घर फर्केका छन्।

चीनबाट शुरु भएको कोरोना भाइरसको संक्रमणबाट अमेरिका सबैभन्दा बढी प्रभावित भएको छ । अमेरिकामा मात्रै झण्डै ३३ लाख मानिसमा कोरोना संक्रमण देखिएको छ भने १ लाख ३६ हजार बढी संक्रमितको मृत्यु भइसकेको छ ।

ब्राजिल रूस, स्पेन, यूके, इटली, भारत, पेरू, चिली, इटली, ईरान, मैक्सिको, पाकिस्तान, टर्की, साउथ अरब र साउथ अफ्रीकामा कोरोना संक्रमितको संख्या दुई लाख बढी रहेको छ ।

थप समाचार