लकडाउनका बेला मातृका आई सेन्टरको नि:शुल्क सेवा
हेल्थ टिभी अनलाइन \काठमाडौं: काठमाडौंको पुरानो बानेश्वरमा रहेको मातृका आई सेन्टरले तीन महिनादेखि आँखाको शल्यक्रिया सहितको सेवा नि:शुल्क प्रदान गर्दै आएको छ।
कोरोना महामारीका कारण देशमा भएको लकडाउनको समयमा पनि सेवा सञ्चालन गर्दै इमरजेन्सी रुपमा आएका र तुरुन्त सेवा चाहिने बिरामीलाई सेन्टरले निःशुल्क सेवा दिइरहेको हो । सेन्टरका मेडिकल डाइरेक्टर डा किशोरराज प्रधानले भने, ‘लकडाउनका कारण धेरै जना आर्थिक रुपमा पनि कमजोर भएका बेला के उपचार खर्च लिनु भनेर हामीले नसक्ने बिरामीलाई पैसा नलिइकन उपचार गरिरहेका छौं । यसलाई पछि पनि निरन्तरता दिने सोचमा छौं ।’
सेन्टरले आँखामा लाग्ने चोटपटक, चिकित्सकको परामर्श एवं अन्य आँखा सम्बन्धी समस्याको सेवा यो अवधिमा निशुल्क प्रदान गरेको हो । गत चैत ११ देखि लकडाउन शुरु भएपछि मात्रै २ हजार भन्दा बढीले आइ सेन्टरबाट निःशुल्क सेवा लिएको जनाइएको छ । सेन्टरले अति आवश्यक हुने र आर्थिक अवस्था कमजोर भएका धेरै बिरामीको मोतियाबिन्दु लगायतका आँखाको शल्यक्रिया नि:शुल्क रुपमा गर्दै आएको छ । जसका कारण धेरैले आँखाको ज्योति गुमाउनबाट बचेका छन्।
काठमाडौंमा १७ जना औंलोको बिरामी, सबै आयातित
स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?
गर्मीमा तातो हावा ‘लू’ बाट कसरी जोगिने ?
राष्ट्रिय प्रत्यारोपण केन्द्र १२ वर्षमा : १२ सय ३१ जनाको मिर्गौला प्रत्यारोपण
आइभीएफबारे ७ भ्रम र यथार्थ