२४ असार २०७७ , बुधबार

काठमाडौं उपत्यकामा २३ जनासहित थप २५५ जनामा कोरोना संक्रमण

हेल्थ टिभी अनलाइन\काठमाडौं: काठमाडौं उपत्यकामा २३ जनासहित आज थप २५५ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा ४ हजार ६९६ नमुना परीक्षण गर्दा बुधबार २५५ जनामा संक्रमण पुष्टि भएको हो । योसँगै नेपालमा कुल संक्रमितको संख्या १६ हजार ४सय २३ पुगेको छ ।

मन्त्रालयका अनुसार आज काठमाडौंका १६ र ललितपुरका ७ जनामा कोरोना संक्रमण पुष्टि भएको छ । मन्त्रालयका अनुसार पछिल्लो २४ घण्टामा नेपालमा थप २५३ जना कोरोना जितेर अस्पतालबाट डिस्चार्ज भएका छन् । योसँगै डिस्चार्ज हुनेको कुल संख्या ७ हजार ७५२ पुगेको छ।

पछिल्लो समय प्रत्येक दिन काठमाडौं उपत्यकामा संक्रमित थपिने क्रम बढ्दो छ । नेपालमा हालसम्म ३५ जनाको कोरोना संक्रमणबाट मृत्यु भएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।