२४ असार २०७७ , बुधबार

भारतमा मास्क नलगाए ५ सय रुपैयाँ जरिवाना

हेल्थ टिभी अनलाइन \काठमाडौं : भारतको उत्तर प्रदेशमा मास्क नलगाएर बाहिर निस्केमा ५ सय रुपैयाँ जरिवाना लिने भएको छ।

कोरोना भाइरसको संक्रमण बढ्दै गएपछि यूपी सरकारले सर्वसाधारणलाई मास्क अनिवार्य गर्न यस्तो निर्णय गरेको बताएको छ । उत्तर प्रदेशका मुख्यमन्त्री योगी आदित्यनाथले मंगलबार गरिएको एक कार्यक्रममा सर्वसाधारणले कोरोना संक्रमणको वेवास्ता गर्दै मास्क बिना नै घर बाहिर निस्कन थालेकाले यस्तो जरिवाना तोकिएको बताएका थिए ।

उनले व्यक्ति जतिपटक मास्क नलगाएर घर बाहिर निस्कन्छ त्यति नै पटक ५ सय रुपैयाँ जरिवाना लिइने बताए । शुरुमा जरिवाना १ सय रुपैयाँ राखिएको थियो । त्यसलाई पनि वेवास्ता गरेपछि जरिवाना रकम बढाइएको बताइएको छ ।

नेपालमा पनि सरकारले बाहिर निस्कदा मास्क अनिवार्य गरेकाे छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।