सुदूरपश्चिममा मंगलबार थप १११ जनामा कोरोना पुष्टि
हेल्थ टिभी अनलाइन\ डडेल्धुरा: सुदूरपश्चिममा थप १ सय ११ जनामा कोरोना पुष्टि भएको छ। राष्ट्रिय जनस्वास्थ्य प्रयोगशाला काठमाडौँ, धुलिखेल अस्पताल, डडेल्धुरा अस्पताल र धनगढी प्रयोगशालामा गरिएको परीक्षणमा मंगलबार १ सय ११ जनामा कोरोना पुष्टि भएको हो।
राष्ट्रिय जनस्वास्थ्य प्रयोगशालामा मंगलावर भएको परीक्षणमा अछाम र बैतडीका ११ \११ र डोटीका ७ जनामा कोरोना पुष्टि भएको स्वास्थ्य तथा जनसंख्या मन्त्रालयका प्रवक्ता डाक्टर जागेश्वर गौतमले जानकारी दिए।
उनका अनुसार धुलिखेल अस्पताल धुलिखेलमा भएको परीक्षणमा बाजुराका ५४ जनामा कोरोना पुष्टि भएको छ। डडेल्धुरा अस्पतालमा भएको परीक्षणमा डडेल्धुराकै ६ जनामा कोरोना पुष्टि भएको उनले बताए।
धनगढी प्रयोगशालामा भएको परीक्षणमा कैलालीका १७ र अछाम जिल्लाका ५ जना गरी २२ जनामा कोरोना पुष्टि भएको छ। कैलालीको लम्कीचुहा नगरपालिकाका ३ महिला र १० पुरुष गरी १३ जना, गोदावरी नगरपालिकाका ३ महिला र १ पुरुष गरी ४ जनामा कोरोना पुष्टि भएको सेती प्रादेशिक अस्पतालका सूचना अधिकारी दिलिप कुमार श्रेष्ठले बताए।
उनका अनुसार अछामको मेल्लेख गाउँपालिकाका २ महिला र ३ पुरुष गरी ५ जनामा पनि कोरोना पुष्टि भएको छ। योसंगै सुदूरपश्चिममा कोरोना संक्रमितको संख्या ३ हजार ८ सय २ पुगेको छ। संक्रमण पुष्टि भएका ८ जनाको मृत्यु भईसकेको छ भने ९ सय ४ जना डिस्चार्ज भएका छन्।
‘क्षयरोगको उपचारसँगै पोषणमा पनि ध्यान दिन जरुरी हुन्छ’
भिटामिन ए खुवाउने कार्यक्रम आज पनि
राष्ट्रिय ट्रमा सेन्टरको निमित्त मेसुमा डा प्रमोद यादव
आज र भोलि बालबालिकालाई ‘भिटामिन ए’ खुवाइँदै
काठमाडौं महानगरका वडाहरुमा आजदेखि नि:शुल्क क्यान्सर परीक्षण शिविर