मास्क नलगाएर घरबाहिर निस्कनेलाई कारवाही गरिने
हेल्थ टिभी अनलाइन\ काठमाडौं: सरकारले चैत ११ देखि लगाएको लकडाउन असार लागेयता भने उपत्यका लगायतका सबै स्थानमा लकडाउन केही खुकुलो गरेको छ । धेरै जसो कार्यालयहरु सिफ्ट अनुसार खुल्न दिइएको छ । बजारमा निकै भिडभाड बढेको छ । व्यापार व्यवसाय बिस्तारै खुल्न थालेका छन्। भिडभाड बढेसँगै सर्वसाधारण कोरोना महामारीलाई बिर्सदै मास्क समेत लगाउन छाडेपछि सरकारले स्वास्थ्य मन्त्रालयले जारी गरेको मापदण्ड बमोजिम बाहिर हिंड्दा अनिवार्य मास्क लगाउन निर्देशन दिएको छ ।
सोमबार स्वास्थ्य तथा जनसंख्या मन्त्रालयको नियमित मिडिया ब्रिफिङमा मन्त्रालयका प्रवक्ता डा जागेश्वर गौतमले लकडाउनलाई व्यवस्थित बनाउनका लागि केही खुकुलो बनाएका बेला सर्वसाधारण भने कोरोना संक्रमणबाट जोगिन अनिवार्य लगाउनुपर्ने मास्क समेत नलगाई बाहिर निस्कन थालेको भन्दै त्यसो नगर्न आग्रह गरेका हुन्। उनले गृह मन्त्रालयले यसअघि नै बाहिर निस्कँदा अनिवार्य मास्क लगाउन निर्देशन गर्दै पत्र पठाएको समेत जानकारी दिए । मास्क नलगाएर बाहिर निस्के कारवाही समेत गर्ने चेतावनी गृहले दिएको छ ।
कोरोनाभाइरसको संक्रमण दिनदिनै बढ्दै गएपछि गृहमन्त्रालयले ७७ वटै जिल्ला प्रशासन कार्यालय र प्रहरी प्रधान कार्यालयलाई पत्राचार गर्दै मास्क नलगाएर घरबाहिर निस्कनेलाई कारवाही गर्न निर्देशन दिएको हो ।
‘क्षयरोगको उपचारसँगै पोषणमा पनि ध्यान दिन जरुरी हुन्छ’
भिटामिन ए खुवाउने कार्यक्रम आज पनि
राष्ट्रिय ट्रमा सेन्टरको निमित्त मेसुमा डा प्रमोद यादव
आज र भोलि बालबालिकालाई ‘भिटामिन ए’ खुवाइँदै
काठमाडौं महानगरका वडाहरुमा आजदेखि नि:शुल्क क्यान्सर परीक्षण शिविर