२१ असार २०७७ , आइतवार

बाग्लुङ र तनहुँमा थप तीन जनामा कोरोना संक्रमण पुष्टि

हेल्थ टिभी अनलाइन\ काठमाडौं : गण्डकी प्रदेशमा थप ३ जनामा कोरोना संक्रमण पुष्टि भएको छ ।

गण्डकी प्रदेश स्वास्थ्य निर्देशनालयले विज्ञप्ति जारी गर्दै आव तनहुँ र बाग्लुङका ३ जनामा कोरोना संक्रमण पुष्टि भएको जनाएको हो । योसँगै गण्डकी प्रदेशमा कोरोना संक्रमितको संख्या १ हजार ९१ पुगेको छ ।

निर्देशनालयका अनुसार आज प्रदेश क्षयरोग केन्द्र पोखरामा गरिएको परीक्षणमा संक्रमण पुष्टि हुनेहरु तनहुँ ब्यासका एक जना यसैगरी शुक्लागण्डकीका १ जना र बाग्लुङ काठेखोलाका एक जना रहेका छन्।

उनीहरुलाई सम्बन्धित जिल्लाको आइसोलेसन सेन्टरमा लैजान लागिएको निर्देशनालयका निर्देशक डा विनोद विन्दु शर्माले बताएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।