२० असार २०७७ , शनिबार

कैलालीमा क्वारेन्टाइनबाट घर फर्किएकी महिलाको मृत्यु

हेल्थ टिभी अनलाइन\ डडेल्धुरा: कैलालीमा क्वारेन्टाइनबाट घर फर्किएकी एक महिलाको मृत्यु भएको छ ।

कैलाली जिल्लाको गोदावरी नगरपालिका-१० मा भारतबाट फर्किएर १४ दिन क्वारेन्टाइनमा राखेर घर पठाईएकी ४८ वर्षीया महिलाको शनिबार बिहान मृत्यु भएको हो ।

उनी जेठ २६ गते भारतबाट आएर क्वारेन्टाइनमा बसेकी थिइन्। मृतक महिला उच्च रक्तचाप र प्यारालाईसिसको बिरामी रहेको बताइएको छ ।

मृतक महिलामा कोरोना हुनसक्ने भन्दै स्वाब संकलन गरी परीक्षण गरिने गोदावरी नगरपालिकाले जनाएको छ । नेपालमा हालसम्म कोरोना संक्रमणबाट ३३ जनाले ज्यान गुमाएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।