हेल्थ टिभी अनलाइन\ डडेल्धुरा:  कैलालीमा क्वारेन्टाइनबाट घर फर्किएकी एक महिलाको मृत्यु भएको छ ।

कैलाली जिल्लाको गोदावरी नगरपालिका-१० मा भारतबाट फर्किएर १४ दिन क्वारेन्टाइनमा राखेर घर पठाईएकी ४८ वर्षीया महिलाको शनिबार बिहान मृत्यु भएको हो ।

उनी जेठ २६ गते भारतबाट आएर क्वारेन्टाइनमा बसेकी थिइन्। मृतक महिला उच्च रक्तचाप र प्यारालाईसिसको बिरामी रहेको बताइएको छ ।

मृतक महिलामा कोरोना हुनसक्ने भन्दै स्वाब संकलन गरी परीक्षण गरिने गोदावरी नगरपालिकाले जनाएको छ । नेपालमा हालसम्म कोरोना संक्रमणबाट ३३ जनाले ज्यान गुमाएका छन्।