हेल्थ टिभी अनलाइन\ काठमाडौं : त्रिवि शिक्षण अस्पताल महाराजगञ्जमा डेढ महिनाका शिशुको कोरोनाबाट मृत्यु भएको छ ।

घाँटीको शल्यक्रिया गरेका शिशुको बुधबार राती मृत्यु भएको अस्पतालले जनाएको छ ।  म्याग्दी घर भएका शिशुलाई श्वासप्रश्वासमा समस्या भएपछि सोमबार अस्पतालमा शल्यक्रिया गरिएको थियो । शल्यक्रिया गर्नुअघि उनको कोरोना परीक्षणका लागि स्वाब संकलन गरी प्रयोगशालामा पठाइएकोमा मंगलबार उनमा कोरोना पुष्टि भएको थियो ।

कोरोना पुष्टि भएका शिशुको उपचारकै क्रममा हिजो बुधबार मृत्यु भएको अस्पतालले पुष्टि गरेको छ ।