हेल्थ टिभी अनलाइन\काठमाडौं: काठमाडौं उपत्यकाका तीन जिल्लामा गरी थप १४ जनामा कोरोना भाइरस संक्रमण पुष्टि भएको छ ।

मंगलबार स्वास्थ्य तथा जनसंख्या मन्त्रालयको नियमित मिडिया ब्रिफिङमा मन्त्रालयका प्रवक्ता डा जागेश्वर गौतमले काठमाडौंमा १२, ललितपुरमा १ र भक्तपुरमा १ गरी १४ जनामा कोरोना संक्रमण देखिएको बताएका हुन्।

यो संख्यासहित आज नेपालमा ३१६ जना नयाँ संक्रमित थपिए । मन्त्रालयका अनुसार हालसम्म नेपालमा कोरोनाबाट संक्रमित हुनेको संख्या १३ हजार ५६४ पुगेको छ भने २९ जनाको कोरोनाबाट मृत्यु भएको छ ।