पाटन अस्पतालमा एक जना कोरोना संक्रमितको मृत्यु, मृतकको संख्या २६ पुग्यो
मृत्यु हुने मिर्गौला प्रत्यारोपण गराएका व्यक्ति
हेल्थ टिभी अनलाइन\काठमाडौं: नेपालमा कोरोना संक्रमणबाट थप एक जनाको मृत्यु भएको छ । स्वास्थ्य तथा जनसंख्या मन्त्रालयले आज पाटन अस्पतालमा एक जना संक्रमितको मृत्यु भएको जानकारी दिएको हो ।
योसँगै नेपालमा कोरोनाबाट मृत्यु हुनेको संख्या २६ पुगेको छ । ५ महिनाअघि मात्र मिगौंला प्रत्यारोपण गरेका ललितपुरको महालक्ष्मीस्थानमा बस्ने चितवनका ६० वर्षीय पुरुषको आज मृत्यु भएको हो । उनले भक्तपुरस्थित मानव अंग प्रत्यारोपण केन्द्रमा मिर्गौला प्रत्यारोपण गराएका हुन्। मिर्गौला प्रत्यारोपण गरेपछि भने उनी यहीं नै बस्दै आएको बताइएको छ । उनलाई श्वासप्रश्वासमा समस्या भएपछि मानव अंग प्रत्यारोपण केन्द्रमा गएका थिए ।
उनलाई १६ दिन सोही अस्पतालमा राखेर उपचार गरिएको र आइसीयू चाहिने भएपछि नर्भिक अस्पताल पठाइएको थियो। त्यसअघि नै अस्पतालले कोरोना परीक्षणका लागि स्वाब संकलन गरी टेकु अस्पताल पठाएका थिए । उनी नर्भिक अस्पताल गएकै दिन कोरोना पोजेटिभ देखिएपछि पाटन अस्पताल लगिएको थियो । पाटन अस्पतालको आइसीयूमा उपचार भइरहेको बेला उनको आज मृत्यु भएको हो ।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा