हेल्थ टिभी अनलाइन\डडेल्धुरा : सुदूरपश्चिम प्रदेशमा पछिल्लो २४ घण्टामा अहिलेसम्मकै सबैभन्दा बढी कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार राष्ट्रिय जनस्वास्थ्य प्रयोगशाला, वीर अस्पताल र धनगढी प्रयोगशालामा गरिएको परिक्षणमा २ सय ७२ जनामा कोरोना संक्रमण पुष्टि भएको हो । योसँगै सुदूरपश्चिम प्रदेशमा कोरोना संक्रमितको कुल संख्या १ हजार ५ सय ४९ पुगेको छ ।

राष्ट्रिय जनस्वास्थ्य प्रयोगशालामा भएको परीक्षणमा कञ्चनपुरका १६ महिला र ६९ पुरुष गरी ८५ जना, कैलालीका ९ महिला र ३९ पुरुषसहित ४८ जना, डोटीका १० महिला र ३८ पुरुष गरी ४८ जना, अछामका १० पुरुष, बाजुराका सात पुरुष र बैतडीका एक महिला र तीन पुरुषमा संक्रमण पुष्टि भएको स्वास्थ्य मन्त्रालयको नियमित पत्रकार सम्मेलन मार्फत जानकारी दिइएको हो ।

यसैगरी आजै वीर अस्पतालको प्रयोगशालामा अछामका एक महिला र १३ पुरुष गरी १४ जनामा कोरोना पुष्टि भएको छ ।