१० असार २०७७ , बुधबार

कर्णाली स्वास्थ्य विज्ञान प्रतिष्ठानका ४ जना स्वास्थ्यकर्मीमा देखियाे कोरोना

हेल्थ टिभी अनलाइन\काठमाडौं: कर्णाली स्वास्थ्य विज्ञान प्रतिष्ठान जुम्लाका चार जना स्वास्थ्यकर्मीमा कोरोना भाइरसको संक्रमण पुष्टि भएको छ । प्रतिष्ठानमा मंगलबार गरिएको परीक्षणमा चार जना स्वास्थ्यकर्मीलाई कोरोना संक्रमण पुष्टि भएको हो ।

कर्णाली स्वास्थ्य विज्ञान प्रतिष्ठान अस्पतालका निर्देशक डा मंगल रावलले विज्ञप्ति जारी गर्दै प्रतिष्ठानमा कार्यरत ४ जना स्वास्थ्यकर्मीमा कोरोना देखिएको जनाएका हुन्। उनले स्वास्थ्यकर्मीमा कोरोना देखिएपछि अरुमा संक्रमण फैलिन सक्ने भन्दै अर्को सूचना जारी नभएसम्मका लागि आकस्मिक बाहेकका सेवा बन्द गरिएको जनाएका छन्।

यसका साथै संक्रमितको सम्पर्कमा रहेका अन्य स्वास्थ्यकर्मीको पनि परीक्षण गरिने भएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।