नेपालमा कोरोनाबाट थप एक जनाको मृत्यु
हेल्थ टिभी अनाइन\काठमाडौं : नेपालमा कोरोना भाइरसको संक्रमणका कारण थप एक जनाको मृत्यु भएको छ ।
दैलेख दुल्लु नगरपालिका-३ का ४५ वर्षीय युवकको हिजो राती मृत्यु भएको स्वास्थ्य मन्त्रालयले जनाएको छ । प्रादेशिक अस्पताल सुर्खेतको आइसोलेसनमा उपचार गराइरहेका उनी क्षयरोग र दमको समेत बिरामी रहेको मन्त्रालयका प्रवक्ता डा जागेश्वर गौतमले बताए ।
गत असार ३ गते उनलाई दैलेखको दुल्लु अस्पतालबाट रिफर गरी थप उपचारका लागि सुर्खेत पठाइएको थियो । सुर्खेतमा उनको कोरोना परीक्षण गर्दा असार ४ गते कोरोना पाजेटिभ पाइएपछि उनको सोही अस्पतालको आइसोलेसनमा उपचार हुँदै गर्दा सोमबार राती मृत्यु भएको मन्त्रालयले जनाएको छ । योसँगै नेपालमा कोरोनाबाट मृत्यु हुनेकाे संख्या २४ पुगेको छ ।
तपाईँलाई पाइल्स छ ? यस्तो गर्नुहोस् खानपान
नेपालमा क्यान्सर सर्भाइभरलाई केन्द्रमा राखेर विशेष कार्यक्रम
नेपाल क्यान्सर सम्मेलन सम्पन्न
औषधिलाई नै नटेर्ने संक्रमण : विश्वसामु बढ्दो एएमआर चुनौती
मेवाका फाइदा