७ असार २०७७ , आइतवार

थप ४२१ जनामा देखियो संक्रमण, नेपालमा संक्रमितको संख्या ९ हजार नाघ्यो

हेल्थ टिभी अनलाइन \काठमाडौं: नेपालमा गत २४ घण्टामा ४२१ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयको नियमित मिडिया ब्रिफिङमा मन्त्रालयका प्रवक्ता डा जागेश्वर गौतमले आज विभिन्न जिल्ला गरी थप ४२१ जनामा कोरोना संक्रमण देखिएको बताएका हुन्।

उनका अनुसार योसँगै नेपालमा कोरोना संक्रमितको संख्या ९ हजार २६ पुगेको छ । पछिल्लो २४ घण्टामा १९४ जना कोरोना जितेर घर फर्केका छन्। योसँगै कोरोना जितेर घर जानेको संख्या १ हजार ७ सय ७२ पुगेको छ ।

गत २४ घण्टामा देशभरका २२ प्रयोगशालामा गरिएको पीसीआर परीक्षण ६ हजार ८ रहेको मन्त्रालयले जनाएको छ । हालसम्म १ लाख ७५ हजार १७३ जनाको पीसीआर परीक्षण गरिएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।