६ असार २०७७ , शनिबार

गण्डकी प्रदेशमा शनिबार साँझ थपिए ५० जना संक्रमित

हेल्थ टिभी अनलाइन\काठमाडौं: गण्डकी प्रदेशमा आज साँझ थप ५० जनामा कोरोना संक्रमण पुष्टि भएको छ ।

गण्डकी प्रदेश स्वास्थ्य निर्देशनालयले आज साँझ ७:४५ बजे विज्ञप्ति जारी गर्दै ४ जिल्लामा ५० जना संक्रमित थपिएको जनाएको हो । योसँगै गण्डकी प्रदेशमा कोरोना संक्रमितको संख्या ४८८ पुगेको छ ।

आज संक्रमण पुष्टि हुनेहरुमा तनहुँका २ जना, बाग्लुङका २९ जना, नवलपरासीका १८ र मुस्ताङका १ जना गरी ५० जनामा कोरोना देखिएको हो । निर्देशनालयका निर्देशक डा विनोद विन्दु शर्माका अनुसार संक्रमित सबैजना अहिलेसम्म क्वारेन्टाइनमा रहेको र उनीहरुलाई सम्बन्धित जिल्लाको आइसोलेसन सेन्टरमा लैजाने तयारी भएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।