४ असार २०७७ , बिहिबार

आईओएमका डीन प्राडा दिव्यासिंह शाहद्वारा पदवहाली

हेल्थ टिभी अनलाइन\काठमाडौं: त्रिभुवन विश्वविद्यालय चिकित्साशास्त्र अध्ययन संस्थान (आईओएम) का नवनियुक्त डीन प्राडा दिव्या सिंह शाहले आज पदवहाली गरेकी छिन्। सरकारले उनलाई हिजो डीनमा नियुक्त गरेको थियो । डा शाहको संस्थानमा कार्यकाल ४ वर्षको हुनेछ ।

डा शाहले आज दिउँसो कार्यालय महाराजगंज पुगी पदवहाली गरेकी हुन्। डीन कार्यालयमा मेडिकल विद्यार्थीले ताला लगाएपछि उनले सँगै रहेको अर्को भवनमा पदवहाली गरेकी हुन्।

पदवहालीपछि डीन शाहले आईओएममा थुप्रै सुधार गर्नुपर्ने कुराहरु रहेको भन्दै त्यसलाई प्राथमिकताका आधारमा काम गर्दै जाने बताइन्। उनले सबै कर्मचारीको साथ र सहयोगको अपेक्षा गरेको पनि बताइन्। यसभन्दा अघिका डीन प्राडा जगदीशप्रसाद अग्रवालको उमेर हदका कारण गत जेठ २२ गते पदावधी सकिएपछि डीन पद रिक्त थियो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।