४ असार २०७७ , बिहिबार

सेती अस्पतालको आईसीयूमा मृत्यु भएका कोरोना संक्रमितको अन्त्येष्टि गरियो

हेल्थ टिभी अनलाइन \डडेल्धुरा: कोरोना संक्रमणका कारण बुधबार सेती अस्पतालमा मृत्यु भएका पुरुषको शव सेनाले ब्यवस्थापन गरेको छ ।

मृतकको शव मोहना नदी किनारमा स्वास्थ्य मन्त्रालयको शव व्यवस्थापन सम्बन्धी मापदण्ड अनुसार व्यवस्थापन गरिएको हो । हिन्दु संस्कार अनुसार मृत्यूपछिको कर्मकाण्ड पुरा गरी आफन्तसँगै नेपाल प्रहरी र सशस्त्र प्रहरीको रोहवरमा शवको व्यवस्थापन गरिएको बताइएको छ ।

मृतकको शव व्यवस्थापन गर्ने क्रममा सेनाका तोकिएका व्यक्ति बाहेक मृतकका आफन्तले टाढैबाट हेरेका थिए। कोरोना संक्रमितको मृत्यु भएमा परिवारले शव छुन नपाउने र टाढैबाट हेर्न सकिने उल्लेख छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।