३ असार २०७७ , बुधबार

सेती अस्पतालमा उपचाररत कोरोना संक्रमितको मृत्यु

हेल्थ टिभी अनलाइन\डडेल्धुरा: कैलालीमा थप एक जनाको कोरोनाका कारण मृत्यु भएको छ । कैलालीको गोदावरी नगरपालिका वडा नम्वर -४ का ४६ बर्षीय संक्रमित पुरुषको सेती प्रादेशिक अस्पतालमा उपचारकै क्रममा आज मृत्यु भएको हो ।

उनको स्वास्थ्य अवस्था हिजोदेखि नै बिग्रिदै आएको थियो । उनलाई अस्पतालले आईसियूमा राखेर उपचार गरिरहेकोमा आज साँझ ७ बजेर ५२ मिनेटमा मृत्यु भएको सेती प्रादेशिक अस्पतालले जनाएको छ।

स्वास्थ्य अवस्था बिग्रिएपछि अस्पतालले आईसियूमा राखेर उपचार भईरहेकोमा आज साँझ ७ बजेर ५२ मिनेटमा संक्रमित पुरुषको मृत्यु भएको सेती प्रादेशिक अस्पतालका सूचना अधिकारी दिलिप कुमार श्रेष्ठले बताए। यसअघि उनको नवजीवन अस्पतालको आइसोलेसनमा उपचार हुँदा कोरोना पुष्टि भएको थियो।

कोरोना पुष्टि भएपछि शनिबार उनलाई सेती अस्पतालमा ल्याइएको थियो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।