३ असार २०७७ , बुधबार

आईओएमको डीनका लागि तीन जनाको नाम सिफारिस

हेल्थ टिभी अनलाइन\ काठमाडौं: त्रिभुवन विश्वविद्यालय चिकित्सा अध्ययन संस्थान आईओएमको डीनका लागि तीन जनाको नाम सिफारिस भएको छ ।

प्राडा प्रेम ज्ञवालीको संयोजकत्वमा गठित सर्च कमिटिले मंगलबार तीन जनाको नाम सिफारिस गरेको हो । उक्त सर्च कमिटिले डीनका लागि प्राडा प्रदीप वैद्य, प्राडा दिव्या सिंह शाह र प्राडा उत्तमकृष्ण श्रेष्ठको नाम सिफारिस गरेको छ ।

गत जेठ २२ गतेदेखि उमेर हदका कारण प्राडा जगदीशप्रसाद अग्रवालको कार्य अवधि सकिएपछि डीन सर्च गर्न तीन सदस्यीय कमिटी बनाइएको थियो । उक्त कमिटीका संयोजक प्राडा प्रदीप ज्ञवाली,डा सुवास आचार्य र प्राडा जीवन शेरचन रहेका छन्।

मंगलबार सिफारिस गरिएका तीनै जना आइओएममै कार्यरत छन्। यी मध्ये प्रधानमन्त्रीकी निजी चिकित्सक समेत रहेकी डा शाहको सम्भावना बढी देखिएको स्रोतको दावी छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।