हेल्थ टिभी अनलाइन\ काठमाडौं: कोरोनाबाट नेपालमा थप  एक जनाको मृत्यु भएको छ । बाँकेको नेपालगंज मेडिकल कलेज कोहलपुरमा उपचाररत ४६ वर्षीय महिलाको मृत्यु भएको हो ।

वैजनाथ गाउँपालिका -६ की ४६ वर्षीय महिलाको मृत्युपछि मात्र कोरोना  रिपोर्ट पोेजटिभ आएको भेरी अस्पतालका मेडिकल सुपरिटेन्डेन्ट डा प्रकाश थापाले जानकारी दिए । उनले भने, ‘कोहलपुरको मेडिकल कलेजमा आइसीयूमा उपचाररत एक महिलाको सोमबार मृत्यु भएको र उनमा मंगलबार मात्र कोरोना पुष्टि भएको हो ।’ उनले संक्रमित महिलाको शवको व्यवस्थापन स्वास्थ्य मन्त्रालयको कार्यविधि अनुसार आज गरिने पनि जानकारी दिए ।

श्वासप्रश्वासमा समस्या भएपछि जेठ ३० गते कोहलपुरस्थित मेडिकल कलेजमा भर्ना भएकी उनको सोमबार मृत्यु भएको हो । मंगलबार उनमा कोरोना संक्रमण भएको भनी स्वास्थ्य मन्त्रालयले जानकारी दिएको थियो ।

बाँकेमै कोरोनाबाट मृत्यु हुनेको संख्या २ पुगेको छ । यसअघि नरैनापुरमा क्वारेन्टाइनमा बसेका २५ वर्षीय युवकको कोरोनाका कारण मृत्यु भएको थियो । योसँगै नेपालमा कोरोनाबाट मृत्यु हुनेको संख्या २० पुगेको छ ।