१ असार २०७७ , सोमवार

काठमाडौंका ४ र ललितपुरका १ जनामा कोरोना संक्रमण पुष्टि

हेल्थ टिभी अनलाइन\ काठमाडौं: काठमाडौं उपत्यकामा आज ५ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयको नियमित मिडिया ब्रिफिङमा मन्त्रालयका प्रवक्ता डा जागेश्वर गौतमले आज काठमाडौंका ४ जना र ललितपुरका १ जनामा कोरोना संक्रमण पुष्टि भएको बताएका हुन्।

उनका अनुसार शुक्रराज ट्रपिकल तथा सरुवा रोग अस्पतालमा गरिएको परीक्षणमा काठमाडौंका १ जना पुरुष, पाटन अस्पतालमा गरिएको परीक्षणमा काठमाडौंका २ जना महिला र ललितपुरका १ महिलामा कोरोना संक्रमण पुष्टि भएको हो । यसैगरी धुलिखेल अस्पतालमा गरिएको परीक्षणमा काठमाडौंको १ जना पुरुषमा पनि कोरोना संक्रमण देखिएको मन्त्रालयले जनाएको छ ।

मन्त्रालयका अनुसार विभिन्न जिल्ला गरी आज मात्रै ४५१ जना नयाँ संक्रमित थपिएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।