१ असार २०७७ , सोमवार

थप ४५१ जनामा कोरोना संक्रमण पुष्टि, संक्रमितको संख्या ६ हजार नाघ्यो

हेल्थ टिभी अनलाइन\ काठमाडौं: नेपालमा थप ४५१ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार विभिन्न जिल्ला गरी सोमबार थप ४५१ जनामा कोरोना संक्रमण पुष्टि भएको हो । संक्रमित मध्ये ४१६ जना पुरुष र ३५ जना महिला रहेका छन्।योसँगै नेपालमा कोरोना संक्रमितको संख्या ६ हजार २ सय ११ पुगेको छ ।

मन्त्रालयका अनुसार हालसम्म कोरोना जितेर घर फर्किनेको संख्या १ हजार ४१ रहेको छ । कोरोनाको आशंकामा क्वारेन्टाइनमा बस्नेको संख्या १ लाख ३३ हजार ८ सय २९ रहेको मन्त्रालयले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।