हेल्थ टिभी अनलाइन\ डडेल्धुरा: डडेल्धुरामा एक जना स्टाफ नर्समा कोरोना संक्रमण पुष्टि भएको छ । शनिबार धनगढीस्थित सेती प्रादेशिक अस्पतालको प्रयोगशालामा गरिएको परीक्षणमा संक्रमण पुष्टि भएका २४ जनामध्ये एक जना स्टाफ नर्स भएको खुलेको हो।

डडेल्धुरा अस्पतालमा कार्यरत स्टाफ नर्समा कोरोना संक्रमण पुष्टि भएको अस्पतालका निमित्त मेडिकल सुपरिटेन्डेन्ट जगदीशचन्द्र विष्टले जानकारी दिए।

अस्पतालमा कार्यरत ३३ वर्षीया स्टाफ नर्समा कोरोना संक्रमण देखिएको विष्टले बताए। अस्पतालमा कार्यरत रहेकी उनलाई कसरी संक्रमण भएको हो भन्नेबारे भने केही खुल्न सकेको छैन्। उनका अनुसार कोरोना संक्रमित ती नर्सलाई अहिले होम आइसोलेसनमा राखिएको छ ।  उनको स्वास्थ्य अवस्था सामान्य रहेको छ।

यसअघि अस्पताल नजिकै रहेको एक मेडिकलमा कार्यरत अनमीमा पनि कोरोना संक्रमण देखिएको थियो। ती युवती पनि अहिले होम आइसोलेसनमा छिन्। डडेल्धुरामा कोरोना संक्रमितको संख्या ३९ पुगेको छ।