३२ जेष्ठ २०७७ , आइतवार

गुल्मीमा कोरोना संक्रमित युवकको मृत्यु

हेल्थ टिभी अनलाइन\ काठमाडौं : गुल्मीमा कोरोना संक्रमण देखिएका एक जनाको मृत्यु भएको छ । धुर्कोट गाउँपालिका–४ जैजिथोकका ३६ वर्षीय युवकको शनिबार राति मृत्यु भएको हो ।

उनलाई रेसुंगा नगरपालिका–९ स्थित उपल्लो तम्घासको आइसोलेसनमा राखेर उपचार गराइएको थियो । भारतबाट आएका ती युवकको जेठ १२ गते पीसीआर परीक्षण गर्दा रिपोर्ट पोजेटिभ आएको थियो । उनले लामो समयदेखि क्यान्सर रोगको उपचार गराइरहेको बताइएको छ । उनको कोरोना संक्रमण पुष्टि भएको २० दिनमा मृत्यु भएको हो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।