३२ जेष्ठ २०७७ , आइतवार

गण्डकी प्रदेशमा थप दुई जनामा कोरोना संक्रमण

हेल्थ टिभी अनलाइन\ काठमाडौं : गण्डकी प्रदेशमा थप दुई जनामा कोरोना संक्रमण पुष्टि भएको छ । गण्डकी प्रदेशको स्वास्थ्य निर्देशनालयले आज विज्ञप्ति जारी गर्दै थप दुई जनामा कोरोना पुष्टि भएको जनाएको हो । योसँगै गण्डकी प्रदेशमा संक्रमितको संख्या १९९ पुगेको छ ।

निर्देशनालयका निर्देशक डा विनोद विन्दु शर्माका अनुसार नवलपरासी जिल्ला बर्दघाट सुस्ता पूर्व देवचुली नगरपालिकाका २३ र ३२ वर्षका पुरुषमा कोरोना संक्रमण पुष्टि भएको हो ।

उनीहरु सोही पालिकाको क्वारेन्टाइनमा बस्दै आएका थिए । कोरोना पुष्टि भएपछि उनीहरुलाई अहिले रजहरस्थित सामूदायिक प्राकृतिक चिकित्सालयको आइसोलेसनमा लैजान लागिएको बताइएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।